Graad 8 en 9 leerders is verplig om volgens departementele vereistes die volgende vakke te neem:

• Afrikaans Huistaal
• English FAL
• Wiskunde
• Natuurwetenskappe
• Sosiale wetenskappe
• Lewensoriëntering
• Ekonomiese en Bestuurswetenskappe
• Tegnologie
• Skeppende Kunste (musiek en visuele kuns)

VERPLIGTE VAKKE

• Afrikaans
• Engels
• Wiskunde of Wiskundige Geletterdheid
• Lewensoriëntering

KEUSE VAKKE
Leerders kan ‘n minimum van 3 van die volgende vakke kies:

Sosiale Wetenskappe
Geografie, Toerisme, Geskiedenis

Fisiese Wetenskappe
Fisiese Wetenskappe, Lewenswetenskappe

Inligtingstegnologie
Inligtingstegnologie (IT), Rekenaartoepassingstegnologie

Ekonomiese en Bestuurswetenskappe
Rekeningkunde, Ekonomie, Besigheidstudies

Tegnologie
Ingenieursgrafika & ontwerp en Verbruikerstudie

Kuns & Kultuur
Visuele Kunste, Dramatiese Kunste

“AdMaths”
Gevorderde Wiskunde (Na ure) Kontak Wiskunde Vakhoof

Eksamens word jaarliks gedurende Junie en November afgelê. Matrieks skryf gedurende Augustus en September die rekordeksamen.
Toetsreekse word gedurende die eerste-, tweede- en derde kwartaal afgelê. Elke week is daar 2 toetsdae. Kwartaallikse toetsroosters kan verkry word op die D6 Communicator onder Bronne, soos wat hulle beskikbaar raak. Gedurende eksamens studeer leerlinge tuis tensy hierdie voorreg weens swak akademiese prestasie of weens dissiplinêre maatreëls verbeur word.

Verskeie aanvullende klasse (onder andere Wiskunde, Fisiese Wetenskappe en Rekeningkunde), word deurlopend gratis aan ons leerlinge gebied. Leerlinge wat probleme in vakke ervaar word aangemoedig om hierby in te skakel. Soos wat die behoefte ontstaan word aanvullende klasse ook in ander vakke gereël. Klasse kan ook per afspraak gereël word. 

Alle Gr 8 tot Gr 10 leerders se lees-\begripvermoë word aan die begin van die jaar getoets.  Die leerders sal dan een periode in ʼn siklus vir die res van die jaar kom lees om sodoende hul leesvernuf op te skerp. Die sentrum sal ook oop wees vir enige leerder na skool om leerders, indien hul wel lees as ʼn uitdaging ervaar, te ondersteun.  As ʼn leerder kan lees kan hy/sy makliker studeer en daarom sal daar van leerders wat akademies sukkel verwag word om die sentrum by te woon op ʼn gereelde basis.

Nories@Work is ‘n lokaal waar leerders Maandae tot Donderdae kan huiswerk doen, take of opdragte voltooi en studeer terwyl hulle wag vir vervoer of sportoefeninge. Daar is internetfasiliteite beskikbaar sowel as ‘n personeellid wat kan help met toesig en sekere probleme.

“Admaths” is ‘n gevorderde Wiskunde vak deur die Onafhanklike Eksamenraad “IEB” en leerlinge kan slegs op uitnodiging registreer vir die vak. Leerlinge wat skoolwiskunde aan die einde van hulle graad 8 jaar slaag met ’n onderskeiding, sal ’n uitnodiging per brief ontvang, vanaf die instansie waarvan ons by Hoërskool Noordheuwel die Wesrand Admaths-sentrum bedryf.
Leerlinge wat van nature goed presteer in Wiskunde, verleer maklik om te konsentreer en aandag te gee in ’n klaskamer en met die vak wat groter uitdagings bied, verseker dit dat elke leerling steeds voortdurend sal besef dat daar deurlopend gekonsentreer moet word in ‘n klaskamer.
Universiteite beveel sterk aan dat leerlinge wat in ‘n finansiële rigting of in ’n ingenieursrigting wil studeer, vroegtydig sal begin met die vak om hom/haar ’n voorsprong met hulle studies te gee. Vir enige verdere navrae, kontak gerus vir me. K. Maré

By Noordheuwel glo ons dat om erkenning te gee aan akademiese prestasie, leerders aanspoor om altyd harder te probeer.